Donostia. Azaroan ospatzen da Donostiako Kursaal aretoetan “Lo Mejor de la Gastronomía” saioa. Sustatzailea duen Rafael García Santosek ez du zalantzarik egiten goi sukaldaritzako unean uneko izar distiratsuenak ekartzeko: Ferran Adrià (El Bulli), Juan Mari Arzak (Arzak), Martin Berasategi, Pedro Subijana (Akelarre), Michel Bras, etc. Goi mailako gastronomiarekin zerikusia duten pertsonaiak, sukaldariak eta produktu hoberenak topatzeko aukera paregabea da.
Topaketa horretan ere, bost  izardun bakarra den Assut oliba olio birjina estra izaten da urtero, gastronomiaren unibertso hori osatzen duten izar guztiak goxatzeko gorputz eta arimaz jardunez. Horietako askok, Assut olioa biziki suabea izaki, edan ere egin daitekeela egiaztatu ahal izan dute. Izan ere, Sagarra Banachek olio preziatu hori dastatzeko berariazko edalontzietan eskaintzen du. Era horretan, ogirik edo antzekorik gabe, olio handi horren kolorea, usaina eta zaporea hobeki atzeman daitezke.